Hulda Gunnlaugsdóttir hefur verið ráðin forstjóri Landspítala -háskólasjúkrahúss og tekur til starfa um miðjan október. Guðlaugur Þór Þórðarsson, heilbrigðisráðherra, tilkynnti þetta á fundi með starfsmönnum nú í hádeginu og tók starfsfólk á móti Huldu með dynjandi lófataki.
Fjórtán sóttu um starfið, sem var auglýst laust til umsóknar í byrjun sumars. Hulda hefur verið forstjóri Aker háskólasjúkrahússins í Ósló í Noregi frá 2005.
Áður var hún sviðsstjóri á hjarta- og lungnasviði Ullevålsjúkrahússins. Hún hefur verið sérlegur ráðgjafi við byggingu Barnaspítala Hringsins og einnig nýs Landspítala.
Nýr forstjóri átti að taka til starfa 1. september en eins og áður sagði mun Hulda hefja störf 10. október. Þangað til mun Björn Zoëga halda áfram sem starfandi forstjóri Landspítalans líkt og hann hefur gert frá því í apríl þegar Magnús Pétursson lét af störfum. Björn var meðal umsækjanda.
Sjá má umfjöllun fréttastofu stöðvar 2 hér
Sjá umfjöllun í kvöldfréttum stöðvar 2 hér
www.visir.is 29.08.2008
