Tannheilsan skiptir máli þegar þú eldist en munnurinn getur gefið vísbendingu um hvernig hjartaheilsu þinn sé háttað. Sú hugmynd að munn og tannheilsa sé tengd hjartaheilsu hefur verið við líði í meira en heila öld og hefur nú verið staðfest, aftur.
Í fjölmörgum rannsóknum hefur verð skoðað hvernig munnheilbrigði hefur áhrif á heilsu almennt og sumar þeirra hafa sýnt fram á tengsl. Ein rannsókn sýndi að sjúkdómur í tannholdi er tengdur æðasjúkdómum og getur verið viðvörunarmerki um sykursýki. Önnur rannsókn sýndi framá tengingu milli sjúkleika í tannholdi og tannleysi og hættunnar á heilablóðfalli.
Í rannsókn sem birt var fyrir nokkrum misserum var sýnt fram á að tannheilsa þín þegar þú eldist geti gefið vísbendingu um það hvernig hjartaheilsu þinni er háttað.
Rannsóknir
Rannsóknin – framkvæmd við Tulane University School of Public Health and Tropical Medicine í New Orleans og Harvard T.H. Chan School of Public Health í Boston – var sú fyrsta þar sem rannsakendur einbeita sér að missi tanna á miðri ævi.
Fyrri rannsóknir skoðuðu uppsafnaðan missi tanna og innihéldu tennur sem við misstum á barna- og unglingsárum vegna skemmda, áverka og jafnvel spanga vegna tannréttinga, að sögn stjórnanda rannsóknarinnar, Dr. Lu Qi, prófessors í faraldsfræði við Tulane háskóla í New Orleans.
Í rannsókninni greindu Dr. Qi og samstarfsmenn hans stórar rannsóknir á fullorðnu fólki á aldrinum 45-69 ára sem höfðu ekki verið greindir með hjarta- og æðasjúkdóma. Þátttakendur tilkynntu sjálfir um fjölda tanna sem þeir höfðu. Spurningalisti var síðan lagður fyrir þátttakendur þar sem þeir svöruðu því hversu margar tennur þeir hafi misst á átta ára tímabili. Vísindamenn fylgdu síðan eftir tíðni hjarta- og æðasjúkdóma meðal þeirra sem misstu enga tönn, misstu eina tönn eða höfðu misst tvær eða fleiri tennur á 12 – 18 ára tímabili.
Vísindamenn komust að því að ef fólk missir tvær eða fleiri tennur á miðjum aldri tengist það aukinni hættu á hjarta- og æðasjúkdómum.
Munnurinn gefur viðvörunarmerki
„Munnurinn getur gefið góð viðvörunarmerki ,“ sagði Dr. Ann Bolger, prófessor í læknisfræðilegum emeritus við Kaliforníu Háskólann í San Francisco, sem tók ekki þátt í rannsókninni. „Fólk með tannholdsbólgu er oft með áhættuþætti sem setja ekki aðeins munninn í hættu heldur einnig hjarta og æðakerfið. En hvort veldur hinu hefur í ekki verið sýnt fram á. “
Í rannsókninni sem kynnt var ráðstefnu Amerísku hjartasamtakana um faraldsfræði og lífsstíl, kom í ljós að fólk með 25 til 32 náttúrulegar tennur í upphafi en missti tvær eða fleiri tennur á tímabilinu voru með 23% aukna hættu á hjarta- og æðasjúkdómum. Þeir sem voru með færri en 17 eigin tennur við upphaf rannsóknarinnar voru í 25% aukinni áhættu. Engin mælanleg aukin áhætta var hjá þátttakendum sem sögðust aðeins hafa misst eina tönn.
Aukin áhætta kom fram óháð öðrum áhættuþáttum hjarta- og æðasjúkdóma svo sem háum blóðþrýstingi, háu kólesteróli eða sykursýki, samkvæmt Dr. Qi.
„Hugsanlegar ástæður fyrir aukinni áhættu hjarta og æðasjúkdóma geta verið bólgur, breytt mataræði eða breytt bakteríuflóra í munni eða meltingarvegi,“ sagði hann.
Helmingur Bandaríkjamanna 30 ára og eldri þjáist af tannholdssjúkdómum, samkvæmt Miðstöð um sjúkdóma og forvarnir í Bandaríkjunum. Að meðaltali vantar fullorðinn Bandaríkjamann eða konu á aldrinum 35-64 ára sjö til 10 af 32 tönnum þeirra, þar á meðal visku tennur samkvæmt National Institute of Dental Craniofacial Research.
Dr. Qi sagði að niðurstöðurnar bendi til þess að nýlegur missir tveggja eða fleiri tanna tengist aukinni hættu á hjarta- og æðasjúkdómum, óháð fjölda náttúrulegra tanna sem hver einstaklingur á miðjum aldri hefur.
Björn Ófeigs.
