Gleðilegt ár kæru lesendur. Enn á ný hefur nýtt ár gengið í garð og því ber að fagna. Það er ekki sjálfsagt að fá að líta nýja daga og mér finnst alltaf spennandi að fagna nýju ári og árið 2023 er þar enginn undantekning.
Ég held að það sé óhætt að segja að fáir gráti 2022 sem var einkennilegt ár í skugga heimsfaraldurs fyrri hluta árs og á árinu létust 200 manns úr sjúkdómnum. Við héldum að við værum alveg sloppinn við veiruskömmina en það eru blikur á lofti og enn veldur hún usla en við vonum það besta.
Við lærðum mikið í þessu ástandi og margir hafa tileinkað sér nýjar leiðir til samskipta auk þess sem margir eru með öflugar vinnustöðvar heima sem koma til með að fylgja okkur inn í nýja tíma.
Hér á hjartalif.is hefur 2022 verið gott ár og aukning um rúm 30% aukning í heimsóknum sem er frábært og erum við mjög þakklát fyrir það. Við horfum björtum augum til nýs árs og ætlum að halda áfram þessu frábæra starfi sem gefur okkur svo mikið.
Við þökkum ykkur samfylgdina á árinu 2022 þrátt fyrir kuldamet í restina horfum við björtum augum mót hækkandi sól.
Verum góð við hvort annað.
Björn Ófeigs.
