Kynning: Í mörg ár svaf ég með dúnsæng. Ég hef alla tíð verið mjög sáttur við hana og hún er bæði hlý, létt og þægileg.
Það var þó einn hængur á og hann fólst í því að ég svitnaði á næturnar. Eiginlega flestar nætur eitthvað og stundum mikið og þá ekki síst yfir sumartíman en ekki eingöngu.
Þetta var hvimleitt og ég hafði prófað að kaupa mér svokallaðar sumarsængur en fannst þær kannski ekki gera mikið fyrir mig nema þá þegar var mjög heitt en áttu erfiðara með að takast á við hitasveiflur og mér varð kalt.
Ég fór því aðeins að lyfta brúnum þegar ég heyrði talað um Íslenskar ullarsængur. Fleiri og fleiri vou að tala um þetta í mínum eyrum og mér fannst þetta áhugavert. Það varð því úr að síðastliðið sumar prófaði ég Íslenska ullarsæng frá Lopi Draumur.
Ég velti vöngum um hvað týpu ég þyrfti að fá mér en hægt er að velja um þrjár tegundir allt eftir þörfum hvers og eins. Eftir umhugsun og vangaveltur varð Embla fyrir valinu. En um Emblu segir: „EMBLA er heilsárssæng sem er náttúrulegur kostur fyrir heilnæman svefn. Sængin er létt og viðheldur þægilegu og réttu rakastigi. Íslenska ullin er sérstök vegna öndunareiginleika hennar og hversu temprandi hún er. Hentar vel fyrir þá sem kjósa náttúrulegar og sjálfbærar vörur. Sængin er vottuð STANDARD 100 by OEKO-TEX®.„
Þessi lestur vakti áhuga minn og síðan í júlí hef ég sofið með Emblu. Það er skemst frá því að segja Íslenska ullarsængin mín hefur aldeilis komið mér á óvart. Temprun á hita er nánast fullkominn og mér er aldrei of kalt eða of heitt nema í einhverjum undantekningatilfellum. Svitanætur eru algjörlega úr sögunni og mér líður almennt betur eftir nóttina.
En ég tók þetta lengra því um leið og ég fann að ég svitnaði ekki lengur ákvað ég að prófa að fá mér líka ullarkodda þar sem ég hafði stundum svitnað á höfðinu. Það var eins og við mannin mælt. Ég hef ekki svitnað á höfðinu síðan.
Það má því segja að ég hafi enduruppgötvað íslensku ullina og eiginleika hennar. Það er kannski ekki furða þó stundum sé talað um að hún hafi haldið íslensku þjóðinni á lífi í árhunduð.
Auk þess finnst mér rétt að geta þess að sængin er sérlega vönduð og vel frá öllu gengið.
Nú hef ég sofið með ullarsæng í tæpa sex mánuði og hún kemur á óvart og okkur Emblu kemur sérlega vel saman.
Björn Ófeigs.
Unnið í samvinnu við Ístex
