Þau tíðindi bárust mér í dag að Hjartalíf.is væri einn af fimm vefjum sem tilnefndir væru til Íslensku vefverðlaunanna 2008 í flokki einstaklingsvefja. Í tilkynningu frá Samtökum vefiðnaðarins segir meðal annars.
SVEF kynnir þá vefi sem dómnefnd Vefverðlaunanna 2008 hefur valið til úrslita í hverjum flokki. Vefverðlaunin 2008 verða veitt í Listasafni Reykjavíkur, Hafnarhúsi þann 30. janúar næstkomandi og hefst dagskráin með hanastéli kl. 17:00.
Þetta er sérstaklega skemmtilegt í ljósi þess að Hjartalíf.is að vísu undir merkjum hjarta.net er handhafi Íslensku vefverðlaunanna 2007 í flokki einstaklingsvefja.
Við erum að sjálfsögðu gífurlega þakklát fyrir tilnefninguna enda leggjum við allan okkar metnað í að gera hjartalíf.is sem besta úr garði. Hér að neðan má sjá tilnefningarnar til verðlauna í flokki einstaklinga.
Besti einstaklingsvefurinn 2008
• 24×24 (www.24×24.is)
• Brjóstakrabbamein (www.brjostakrabbamein.is)
• Cafe Sigrún (www.cafesigrun.com)
• Hjartalíf (www.hjartalif.is)
• Indefence (www.indefence.is)
Sjá má allar tilnefningar á vef SVEF
