Ef hjartað er sterkt og í góðri þjálfun getur það hægt á öldrun heilans, segja bandarískir vísindamenn.
Rannsóknarhópur í háskólanum í Boston hefur fundið út að fólk með lélegt hjarta sem dælir minna blóði en sterk hjörtu líta út fyrir að hafa „eldri“ heila í heilaskönnun en aðrir.
Eftir að hafa rannsakað 1.500 manns komst hópurinn að því að heilinn minnkar eftir því sem fólk eldist.
Lélegt ástand hjarta- og æðakerfisins getur flýtt fyrir öldrun heilans um tvö ár að meðaltali, segir í grein í vísindatímaritinu Circulation.
Þessi tengsl milli hjarta og heila má sjá jafnt í fólki á fertugsaldri, án þess að það eigi við hjartasjúkdóm að stríða, sem og eldra fólki.
www.mbl.is 03.08.2010
-Auglýsing-
