-Auglýsing-

Verði eitt af bestu sjúkrahúsum Norðurlanda

ÞAU Hulda Gunnlaugsdóttir, forstjóri Landspítala – háskólasjúkrahúss, og Ögmundur Jónasson heilbrigðisráðherra voru sammála um það á ársfundi LSH í gær að bygging nýs háskólasjúkrahús væri nauðsynlegt framfaraskref.

„Ég sé framtíð Landspítalans þannig að hann verði eitt af bestu sjúkrahúsum á Norðurlöndum,“ sagði Hulda. Landspítalinn hefði hins vegar ekki farið varhluta af efnahagsástandinu og það væri t.d. ljóst að ekki næðist það markmið, sem sett var 2007, að efla svo vísindarannsóknir við spítalann, að fyrir árið 2011 rynnu 3% af fjármagni spítalans til rannsókna. Landspítalanum hefur nú verið gert að skera niður um 2,6 milljarða á þessu ári. Árið 2008 jókst rekstrarkostnaður hans gríðarlega, m.a. vegna gengisbreytinga, sem leiddu t.d. til þess að kostnaður við s-merkt lyf jókst um tæp 40%.

Bygging nýs sjúkrahúss má hins vegar ekki bíða að mati Huldu, sem vísar í það álit norskra sérfræðinga að dýrara væri fyrir íslenskt samfélag að reka spítalann áfram við núverandi aðstæður en að sameina reksturinn.

Ódýrara að byggja en bíða
„Við þurfum nýjan Landspítala. Við verðum að tryggja framtíðina og að við getum áfram veitt bestu, mögulegu þjónustu innan fjárlagarammans.“ Ögmundur sagðist engu geta lofað þar sem hann væri í reynd umboðslaus um sinn.

„Verði ég áfram í embætti, mun ég tryggja að málið verði fært upp á vinnuborðið en ekki sett til hliðar.

Það er nefnilega hárrétt hjá Huldu […] að það er dýrt og óskynsamlegt að leggja árar í bát. Ef ég fæ um þetta ráðið, þá siglum við.“

- Auglýsing-

Eftir Unu Sighvatsdóttur

una@mbl.is 

Morgunblaðið 07.05.2009 

-Auglýsing-
-Auglýsing-
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-