fbpx
-Auglýsing-

Sameining eða breytt verkaskipting

Sameining eða breytt verkaskipting milli Landlæknisembættisins, Lyfjastofnunar og Lýðheilsustöðvar eru til skoðunar í heilbrigðisráðuneytinu.

Landlæknisembættið og Lyfjastofnun hafa með höndum, auk annarra verkefna, eftirlit á sviði heilbrigðisþjónustu og lyfjamála en hlutverk Lýðheilsustöðvar er að efla lýðheilsustarf, meðal annars í samvinnu við Landlækni.

Málið er enn á frumstigi og endanleg útfærsla ekki ákveðin. Samkvæmt upplýsingum Fréttablaðsins kemur til greina að færa einstök verkefni eða málaflokka á milli stofnana eða að sameina stofnanirnar þrjár. Þá er til athugunar hvort matvælaeftirlit sem nú heyrir undir Matvælastofnun eigi betur heima með eftirliti með heilbrigðisþjónustu og lyfjum.

Heilbrigðisráðuneytið hefur upplýst að unnið sé að endurskoðun laga um Lýðheilsustöð. Þórólfur Þórlindsson var settur forstjóri hennar til árs hinn 1. ágúst í fyrra þegar Anna Elísabet Ólafsdóttir forstjóri fór í námsleyfi. Í vor var henni tilkynnt að starfið yrði auglýst og rann ráðning hennar þar með út um síðustu mánaðamót. Starfið hefur enn ekki verið auglýst.
Þá hefur Matthías Halldórsson verið settur landlæknir út janúar en hann tók við embættinu þegar Sigurður Guðmundsson hvarf til annarra starfa um síðustu mánaðamót.

- Auglýsing-

Rúmlega eitt hundrað starfsmenn vinna hjá stofnununum þremur; 23 hjá Lýðheilsustöð, 36 hjá Landlækni og 43 hjá Lyfjastofnun.

– bþs

fréttablaðið 12.11.2008 

Auglýsing
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-