-Auglýsing-

Robin Williams glaður í hjarta eftir velheppnaða aðgerð

Nývaknaður úr svæfingu var leikarinn Robin Williams farinn að atast í læknaliðinu sem gerði á honum aðgerð á dögunum  vegna bilaðrar ósæðarloku. Í miðju uppistandi átti leikarinn geðþekki orðið erfitt með andardrátt og neyddist til að hætta.

Williams hefur verið á ferð um Bandaríkin með grín uppistandið Weapons of Self-Destruction sem mætti snara á ástkæra ylhýra, Sjálfseyðingarvopn. Sýningin hefur hlotið mikið lof og miðar selst upp á örskotsstundu.

Læknar segja aðgerðina hafa heppnast vel, hann sé með sterkt hjarta og starfsemi þess nú eðlilega. Átta vikna hvíld og endurhæfing ætti að gera hinn 57 ára fjörkálf jafn góðan og áður. Hann tapaði í það minnsta ekki skopskyninu í aðgerðinni og reitti af sér grásvarta brandara, nývaknaður úr langri svæfingu.

Eftir aðgerðina var Williams meyr og þakklátur fyrir stuðninginn, aðhlynningu lækna og ómælda velvild í sinn garð. Á heimasíðu sinni segist hann ekki geta beðið eftir að hefjast handa á nýjan leik, eftir viðgerðarhlé.

www.pressan.is 24.03.2009

-Auglýsing-
-Auglýsing-
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-