Guðlaugur Þór Þórðarson heilbrigðisráðherra vonar að deila yfirstjórnar Landspítalans og skurð- og svæfingahjúkrunarfr. leysist svo ekki komi til að þeir hætti störfum 1. maí. Hann treystir starfsfólki til að tefla ekki öryggi sjúklinga í hættu.
Stjórn Landspítalans hafði í dag ekki fengið svör frá hjúkrunarfræðingum um hvort þeir hygðust halda áfram störfum og samþykkja breytingar á vaktafyrirkomulagi sem tekur gildi eftir viku. Stjórnin átti von á að einhver svör bærust í dag eða í kringum helgina.
Á fundi skurð- og svæfingahjúkrunarfræðinga í gær kom hins vegar fram að stjórn spítalans hafði ekki óskað eftir formlegum svörum frá öllum hjúkrunarfræðingum í þeim einstaklingsviðtölum sem farið hafa fram síðustu daga.
Þar kom líka fram að ekkert benti til annars en að 96 hjúkrunarfræðingar myndu hætta störfum á skurðdeildum á Hringbraut, í Fossvogi og á Kvennadeild.
Sjá umfjöllun fréttastofu sjónvarps um málið hér
www.ruv.is 23.04.2008
