Kelsey Grammer, sem þekktastur er fyrir leik sinn í sjónvarpsþáttunum Frasier, fékk vægt hjartaáfall um helgina, en fulltrúi hans sagði í dag að hann væri á góðum batavegi á sjúkrahúsi á Hawaii. Grammer er 53 ára. Hann verður væntanlega útskrifaður síðar í vikunni.
Grammer býr ásamt konu sinni, Camille, á Hawaii. Hann var fluttur á sjúkrahús á laugardaginn, þar sem læknar komust að þeirri niðurstöðu að hann hefði fengið „vægt hjartaáfall,“ sagði talsmaðurinn.
www.mbl.is 02.06.2008
Auglýsing
