ACE-hemlar, angíótensín II blokkar og renín hemlar (skráð á Íslandi í janúar 2008) eru jafngild lyf til meðferðar við of háum blóðþrýstingi. Ekki er munur á lyfjum innan hvors flokks eða milli flokka í virkni við að meðhöndla blóðþrýsting, hjartabilun eða langvinnan nýrnasjúkdóm.
Um 30 þúsund Íslendingar nota ACE-hemla eða angíótensín II blokka og þar af eru um 70% sem nota angíótensín II blokka. ACE hemlar eru ráðlagðir sem fyrsta val framyfir angíótensín II blokka því ACE-hemlar eru mun ódýrari. Að velja mun dýrara lyf í byrjun er órökrétt því hjá um 95 af hverjum 100 sem byrja á ACE-hemli kemur aldrei upp sú staða að skipta þurfi í angíótensín II blokka vegna aukaverkana.
Í samanburði við notkun þessara lyfja hér á landi og t.d. í Svíþjóð kemur í ljós að Íslendingar nota hlutfallslega mun meira af angíótensín II blokka en Svíar þegar valið er lyf sem verkar á renínangíótensín-kerfið (64% á Íslandi en 38% í Svíþjóð).
www.tr.is 15.05.2009
