Áhyggjur og kvíði á tímum COVID-19

Auglýsing
Það er eðlilegt að vera kvíðin yfir ástandinu.

Nú þegar kórónuveiruskömmin er komin aftur á fulla ferð og öllu skellt í lás er ekki laust við að þyrmi yfir mann um stund og gamalkunnur kvíðahnútur láti á sér kræla.

Það er ekki bara fólk með undirliggjandi sjúkdóma sem hefur áhyggjur af COVID-19 og hugsanlegum afleiðingum veirunnar á fólkið okkar. Flest eigum við fjölskyldur, ættingja og vini sem eru í áhættuhóp Þannig að það er eðlilegt að fólk hafi áhyggjur og sé kvíðið.

Það má kannski líka segja að kvíðin geti verið hjálplegur á þann hátt að við förum varlegar og fylgjum leiðbeiningum enn frekar og ítarlegar en annars væri. Það má auk þess minna á að við sem tilheyrum viðkvæmum hópum látum fara sérlega lítið fyrir okkur og forðumst margmennið. Það er þó mikilvægt að hlúa að sér og útivera er góð leið og mikilvæg til að halda heilsu.

Á covid.is er búið að setja saman góðar leiðbeiningar hvernig hægt er að bregðast við ef áhyggjur og kvíði steðja að og eins er þar að finna góðar hugmyndir hvað hægt er að gera í sóttkví.

Hægt er að finna þessar leiðbeiningar á hlekknum hér fyrir neðan.

Auglýsing

https://www.covid.is/undirflokkar/ahyggjur-og-kvidi