Axel F. Sigurðsson hjartalæknir sem heldur úti mataraedi.is mætti í sitt vikulega spjall í morgungluggann á rás 1 í vikunni og ræddi um hvort fólk ætti að fara í hjartatékk.
Reglulegt hjartatékk útilokar ekki að þú getir fengið hjarta eða heilaáfall. Því miður er það svo að hjarta og æðasjúkdómar geta dunið á okkur eins og þruma úr heiðskíru lofti og ekki eru neinar leiðir til að skima eftir þessum sjúkdómum ólíkt því sem gerist með t.d. krabbamein.
Í rauninni má segja að hjartatékk sé eins og áhættumat þar sem áhættan þín er skoðuð með tilliti til hjarta og æðasjúkdóma og þá má segja að sé komin grunnur að því að vinna með þessa áhættuþætti.
Það er því mikilvægt að þekkja gildin sín og áhættuþætti svo sem eins og blóðþrýsting, kólesteról og fjölskyldusögu sína.
Hér má heyra viðtalið við Axel í heild sinni.
