Ólíkt því sem margir telja þá dregur inntaka vítamína ekki úr hættunni á hjartasjúkdómum meðal miðaldra karlmanna og eldri, samkvæmt nýrri rannsókn sem birt var í Journal of the American Medical Association í dag.
Alls voru þátttakenduinir tæplega fimmtán þúsund karlmenn en meðalaldur þeirra var 64 ár er rannsóknin hófst árið 1998. Fylgst var með þeim í ellefu ár en hluti þeirra tók fjölvítamín og hinir fengu lyfleysu.
Á tímabilinu sem rannsóknin stóð yfir létust 2.757 þeirra sem tóku þátt, eða 18,8%, úr hjartaáfalli eða heilablóðfalli. Af þeim tóku 1.345 vítamín en 1.412 fengu lyfleysu.
Telja rannsakendur sem starfa við Harvard háskóla, að þetta sýni og sanni að vítamín breyti engu hvað varðar líkur á að fá hjartasjúkdóma eða heilablóðfall.
www.mbl.is 05.11.2012
