Tæplega sjö ára drengur, Bjarki Fannar Hjaltason á Hvanneyri, er á leið til Boston í vikunni í sína aðra hjartaaðgerð. Bjarki Fannar þjáist af sjaldgæfum hjartagalla sem kallast Shone´s syndrom.
Til að styrkja ferð hans og foreldra var boðið til kaffihúss í Skemmunni á Hvanneyri á sunnudaginn var. Þar gat fólk keypt sér kaffi og með því og rann allur ágóðinn beint til Bjarka Fannars. Þeir sem vilja styrkja Bjarka Fannar geta lagt inn á reikning: 0326–13–110061, kt. 310807 – 2140. „Undirbúningsnefndin vill þakka kærlega öllum þeim sem lögðu leið sína í Skemmuna til að styrkja gott málefni og þeim sem aðstoðuðu við framkvæmd kaffihússins,“ segir í tilkynningu.
Frá þessu er sagt í Skessuhorni og við hvetjum lesendur hjartalíf.is sem eru aflögufærir að leggja málinu lið.
Mynd af vef Skessuhorns
