-Auglýsing-

Rannsóknarstofa Hjartaverndar endurnýjar tæki

KVENNAHLAUP ÍSÍ fór fram í 18. sinn í samstarfi við Hjartavernd 16. júní 2007. Yfirskrift hlaupsins var Hreyfing er hjartans mál, þar sem markmiðið var að vekja athygli á konum og kransæðasjúkdómum, einkennum og áhættum.

Í tilefni af því að Kvennahlaupið var tileinkað hjartavernd kvenna runnu 50 krónur af andvirði hvers selds Kellogg’s-pakka til Hjartaverndar á tímabilinu 2.–16. júní.

Þegar salan var gerð upp komu í hlut Hjartaverndar 700 þúsund krónur en alls seldust 14 þúsund pakkar á tímabilinu.

Hjartavernd notaði féð til að endurnýja tækjakost á rannsóknarstofu sinni. Keypt var nýtt PCR-tæki sem kemur að góðum notum við erfðafræðirannsóknir Hjartaverndar.

Á dögunum kynnti Vilmundur Guðnason forstöðulæknir Hjartaverndar hinn nýja tækjakost en viðstaddir auk Vilmundar voru Brynja Georgsdóttir, vörumerkjastjóri Nóa Síríus, fyrir hönd Kellogg’s á Íslandi, Jóna Hildur Bjarnadóttir, sviðsstjóri almenningsíþróttasviðs ÍSÍ, Kristín Bjarnadóttir, lífeindafræðingur rannsóknarstofunnar, og Sigríður Harpa Hafsteinsdóttir sameindalíffræðingur.

Kvennahlaup ÍSÍ fer næst fram hinn 7. júní í samstarfi við Lýðheilsustöð og er þema ársins „Heilbrigt hugarfar, hraustar konur“.

Morgunblaðið 15.05.2008

-Auglýsing-
-Auglýsing-
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-