Lýsi kemur ekki aðeins í veg fyrir hjarta- og æðasjúkdóma hjá heilbrigðum heldur minnkar það einnig líkur á hjartaáföllum og jafnvel dauða hjá sjúklingum með hjartasjúkdóma. Þetta er niðurstaða nýrrar viðamikillar bandarískar rannsóknar.
Niðurstöður þessarar rannsóknar verða birtar í næstu viku í Journal of the American College of Cardiology og sagt er frá á Vísindin.is. Þar segir:
„Þetta er ekki bara tískubylgja; við höfum núna mikil og hvetjandi sönnunargögn frá mjög stórum rannsóknum, sumar þeirra hófust fyrir 20-30 árum síðan, sem sýna fram á verndandi eiginleika omega-3 lýsis á marga vegu gegn hjarta og æðasjúkdómum,“ sagði Carl Lavie, aðalhöfundur greinarinnar. „Sterkustu vísbendingarnar um vörn gegn hjartasjúkdómum með omega-3 birtast í sjúklingum sem eru þegar með hjarta og æðasjúkdóma en eftir hjartaáfall sýna þeir 30% minni líkur á dauðsfalli tengdu hjarta og æðakerfinu.“
Með inntöku lýsis er einnig hægt að minnka hættuna á hnútahersli, hjartsláttartruflunum, hjartaáfalli, skyndilegum hjartadauða og jafnvel heilsubrestum. Dr. Lavie bætir við að þó það sé smærri kostur þegar skoðaðar eru tölur um lægri dánartíðni tengdum hjartabilun – þá er 9% lægri dánartíðni sem fannst í nýlegri tilraun mjög áhugaverð vegna lítilla möguleika sjúklinganna.
Höfundarnir segja að frekari rannsóknir eru nauðsynlegar til að kanna og ákveða kjörskammta, sem og hlutfall DHA og EPA sem færir mestu hjartaverndina hjá þeim sem eru í hættu að fá hjarta og æðasjúkdóma, einnig hjá þeim sem þurfa meðferð vegna hnútahersla, hjartsláttartruflana og hjartaáfalla.
www.pressan.is 06.08.2009
