Efnaskiptavilla

shutterstock_186453077-2Efnaskiptivilla er vandamál sem vert er að gefa gaum og líklegt þetta hrjái marga án þess að þeir geri sér grein fyrir að stefni í þetta ástand. Efnaskiptavillu fylgir aukin áhætta á hjarta og æðasjúkdómum og sykursýki 2. Læknar hafa mælt með lágkolvetnamataræði fyrir þennan hóp og hefur það gefið góða raun. Axel F. Sigurðsson hjartalæknir á mataraedi.is hefur skrifað um hver skilgreiningin er á efnaskiptavillu og fylgir sú skilgreining hér fyrir neðan.

Efnaskiptavilla (metabolic syndrome) er hugtak sem notað er til að lýsa ákveðnu líkamsástandi sem fylgir aukin hætta á hjarta-og æðasjúkdómum auk sykursýki af tegund 2. Efnaskiptavilla er oft til staðar hja þeim sem eru of þungir, en getur einnig verið til staðar þótt líkamsþyngd sé eðlileg, sérstaklega ef kviðfita er mikil.

Talið er að allt að 25% Bandaríkjamanna hafi efnaskiptavillu. Heilkennið einkennist af kviðfitu með vaxandi mittismáli, háum þríglýseríðum í blóði, lágu HDL-kólesteróli, háum blóðþrýstingi og hækkuðum blóðsykri. Þetta ástand eykur hættuna á hjarta-og æðasjúkdómum.

Skilgreiningin á efnaskiptavillu byggir á því að eftirtalin atriði séu til staðar.

Mittismál karla ≥ 94 cm og kvenna ≥ 80 cm og tveir af eftirtöldum fjórum þáttum til viðbótar:

– háþrýstingur; efri mörk ≥ 130 og/eða neðri mörk ≥ 85 mmHg

Auglýsing

– þríglýseríðar ≥ 1.7 mmol/L

– HDL kólesteról < 1.03 (karlar) og 1.29 (konur) mmol/L

– blóðsykur (fastandi) ≥ 5.6 mmol/L

Eins og áður sagði er pistillinn er úr smiðju Axels F. Sigurðssonar hjartalæknis en hann heldur úti vefsíðunum  mataraedi.is og docsopinion.com.

Munið eftir að læka við okkur á Facebook