Vísindamenn Íslenskrar erfðagreiningar, ásamt fleiri vísindamönnum frá Íslandi, Hollandi, Danmörku og Bandaríkjunum, greindu í dag frá uppgötvun varðandi fráviki í erfðaefni mannsins sem tengist heilkenni sem kennt er við sjúkan sínushnút (Sick Sinus Syndrome).
Niðurstöður rannsóknarinnar voru birtar í vefútgáfu vísindatímaritsins Nature Genetics. Þar er sagt frá fráviki í erfðaefninu sem virðist tengjast aukinni hættu á að fá heilkennið sem kennt er við sjúkan sínus í Íslendingum.
Líkurnar á því að fólk sé greint með heilkennið eru um 6% fyrir þá sem ekki eru með umrætt erfðafrávik en líkurnar aukast tólf og hálffalt í um 50% hjá þeim sem eru með frávikið.
Sjúka sínus heilkennið veldur m.a. truflun á hjartslætti sem lýsir sér í óeðlilega hægum hjartslætti. Þess verður gjarnan vart í eldra fólki og margir sem líða af heilkenninu þurfa á gangráði að halda.
www.mbl.is 06.03.2011
