Það hefur vafalaust ekki farið fram hjá lesendum hjartalif.is að í kvöld verður haldinn Landsöfnun Hjartaverndar í beinni útsendingu á stöð 2 undir kjörorðinu “Finnum fólk í lífshættu”. Málefnið er afar mikilvægt og hægt að leiða að því líkum að að söfnuninn geti með einum eða beinum eða óbeinum hætti hugsanlega haft áhrif á nánast hverja einustu fjölskyldu í landinu.
Áhættureiknirinn sem Hjartavernd hefur notað síðustu ár hefur náð ágætlega til þeirra sem eru í mikilli áhættu á að fá hjarta og æðasjúkdóm og tilviljun ein ráðið hverjir aðrir hafa náðst í meðferð áður en skaðinn er skeður. Þessi hópur sem illa hefur gengið að ná til er í lítilli eða meðal áhættu og algjörlega einkennalaus.
Sú staðreynd að kominn sé fram nýr áhættureiknir sem getur stuðlað að því að hægt er að ná til þeirra sem eru í lítilli eða meðaláhættu fyrir hjarta og æðasjúkdómum er ekkert minna en bylting.
Hjartavernd – Finnum fólk í lífshættu
Finnum fólk í lífshættu.Hringdu eða sendu sms í eftirfarandi söfnunarnúmer til þess að leggja þitt af mörkum.907-1502 – 2.000 kr.907-1505 – 5.000 kr.907-1508 – 8.000 kr.
Posted by Hjartavernd – Icelandic Heart Association on 11. nóvember 2017
Nýi áhættureiknirinn er næmari leið til að greina forstig æðasjúkdóms með því að beita í völdum tilvikum ómskoðun af hálsæðum. Það er ódýr rannsókn sem ekki kostar neina geislun og er óþægindalítil. Greinist æðakölkun í hálsæðum eru verulegar líkur fyrir því að sjúkdómurinn finnist einnig í kransæðum. Með því að beita einfaldri lyfjameðferð með hjartamagnýl og blóðfitulækkandi lyfjum má hefta framrás sjúkdómsins og draga úr líkum á áföllum í framtíðinni.
Fyrirhugað er að allir heilsugæslulæknar geti mælt og metið heilbrigða einstaklinga með þessum hætti þegar þeir leita til heilsugæslunnar. Þessi nálgun hefur aldrei verið reynd áður í heiminum. Rannsóknir Hjartaverndar benda til þess að það sé tímabært að stíga þetta skref til þess að sú þekking sem Hjartavernd hefur tekið þátt í að skapa um tilurð hjarta- og æðasjúkdóma verði hagnýtt í þágu þjóðarinnar.
Áætlað er að það taki fimm ár að koma verkefninu á að fullu og kosnaður við verkefnið sé um 80 milljónir, sem er söfnunarmarkmið kvöldsins.
Við hér á hjartalif.is mælum með því að þjóðin taki höndum saman og taki þátt í þessu góða og mikilvæga verkefni.
Finnum fólk í lífshættu.
Björn Ófeigs.
