Eins nærbuxur fyrir bæði kyn

 Svíar, sem hafa löngum verið framarlega í jafnrétti kynjanna, ætla að hefja framleiðslu á nýjum nærbuxum fyrir sjúklinga sem bæði kyn geta notað.

Með því vonast stjórnvöld til að spara bæði pláss og peninga. Um er að ræða nýtísku “boxer”-nærbuxur sem eru taldar henta bæði konum og körlum sem liggja á sjúkrahúsum landsins. Hingað til hafa sænskir sjúklingar notað fjórar mismunandi tegundir af nærbuxum, tvær gerðir fyrir hvort kyn. Búist er við að nærbuxnatillagan verði samþykkt endanlega í apríl og að nýju nærbuxurnar verði teknar í notkun skömmu síðar.

Fréttablaðið 25.02.2008