Hjartaígræðslum hefur verið hætt tímabundið í sjúkrahúsinu Royal Infirmary í Glasgow á Skotlandi á meðan sérfræðingar fara yfir verkferla. Er þetta gert vegna þess að fjórir af 11 sjúklingum, sem fengu nýtt hjarta á sjúkrahúsinu á þessu ári, létust innan 30 daga frá aðgerðinni.
Fram kom í fréttum Sky sjónvarpsstöðvarinnar, að sjúklingar, sem bíða eftir hjartaígræðslu, hafi verið settir á biðlista sjúkrahúss í Newcastle á Englandi.
-Auglýsing-
Sjúkrahúsið í Glasgow er það eina á Skotlandi þar sem hjartaígræðslur fara fram. Slíkar aðgerðir hófust þar árið 1992 en árið 2000 þurfti að gera hlé á þeim um tíma vegna þess að sérhæfða lækna skorti.
www.mbl.is 21.12.2007
-Auglýsing-
