fbpx
-Auglýsing-

10 starfsmenn stálust í sjúkraskýrslur, verða e.t.v. kærðir

Landspítalinn hefur ávítt tíu starfsmenn fyrir að brjóta trúnað í starfi með því að stelast í sjúkraskrár sjúklinga í heimildarleysi, þar á meðal í sjúkraskrá “þekkts einstaklings.” DV segir frá þessu og kemur fram að fólkið eigi hugsanlega yfir höfði sér áminningu og kæru.

Brotið uppgötvaðist við stikkprufu trúnaðareftirlitsnefndar Landspítalans, sem kannaði hverjir hefðu farið í sjúkraskrár nokkurra sjúklinga, en þá er ekki síst kannað hverir skoða sjúkraskrár þekktra einstaklinga, sem legið hafa á sjúkrahúsinu.

DV segir að hinir brotlegu séu úr öllum deildum spítalans, læknar, hjúkrunarfræðingar og ritarar.

Niels Christian Nielsen, aðstoðarlækningaforstjóri Landspítalans, segir málið litið alvarlegum augum. “Fjöldi brotlegra er óvenjumikill og við höfum miklar áhyggjur af því,” segir hann. Á Norðurlöndum er brotum af þessu tagi iðulega vísað beint til rannsóknarlögreglu. Í Svíþjóð hafi 20 spítalastarfsmenn verið reknir fyrir að hnýsast í sjúkraskrár forsætisráðherrans.

- Auglýsing-

Sjúkraskrárkerfi spítalans er öllum opið og segir Niels að starfsmenn þurfi að hafa greiðan aðgang að sjúkraskrám í öryggisskyni fyrir sjúklinga.

Næstu skref í málinu verða ákveðin eftir að starfsmenn hafa fengið færi á að koma að andmælum.

- Auglýsing -

www.eyjan.is 18.03.2008

Auglýsing
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-