Auglýsing

Í þræðingu með hraði

-Auglýsing-

Elliði Vignisson bæjarstjóri í Vestmannaeyjum fór „óvart“ í hjartaþræðingu. Honum var ruglað saman við annan sjúkling eftir að blóðprufur þeirra víxluðust.
Það alvarlega við þessi mistök var að maður sem var í raun hjartveikur skyldi vera sendur heim af spítalanum í stað mín,“ segir Elliði Vignisson, bæjarstjóri í Vestmannaeyjum, sem var fyrir mistök sendur með hraði í hjartaþræðingu um helgina – á grundvelli ruglings á blóðprufum hans og annars sjúklings á spítalanum í Eyjum. Sá fór heim til sín, enda talinn hinn hraustasti með blóðprufu Elliða því til sönnunar.

Aðdragandi málsins var sá að Elliði, sem hefur meðfæddan hjartagalla, fann fyrir verk fyrir brjósti á fimmtudag og fór á spítalann í Eyjum til að láta athuga sig. „Ég var í rannsóknum þá um kvöldið og blóðprufa var send til Reykjavíkur til frekari skoðunar,“ segir hann. „Niðurstöðurnar komu eftir hádegi daginn eftir og sýndu að í blóðinu voru hjartaensím sem bentu til þess að komið væri drep í hjartavöðvann með yfirvofandi hættu á kransæðastíflu.“

„Ég var því sendur með sjúkraflugi til Reykjavíkur og í sjúkrabíl með forgangsljósum á Landspítalann þar sem mín beið bráðahjartaþræðing. Það fannst hins vegar ekkert í kransæðunum en um kvöldið uppgötvaðist að ruglast hafði verið á blóðprufu úr mér og öðrum hjartasjúklingi á spítalanum í Eyjum. Mistökin áttu sér stað á Landspítalanum þegar glös með nöfnum okkar beggja voru strikamerkt.“

-Auglýsing-

Hefði getað haft mun alvarlegri afleiðingar

Af hinum sjúklingnum er það að frétta að hann var kominn í meðferð á ný áður en Elliði sneri aftur til Eyja á sunnudag. „Þetta hefði getað haft mun alvarlegri afleiðingar í för með sér,“ bendir hann á. „Á mig hafði þetta þau áhrif að ég sit eftir með nokkur nálaför á búknum og væna marbletti. Það verður heldur ekki litið framhjá því að aukakostnaður vegna svona mistaka hlýtur að vera 1-2 milljónir króna vegna sjúkraflugs, aðgerðar og spítalalegu.“

Elliði hefur óskað eftir því að málið verði rannsakað nánar til að fyrirbyggja önnur svipuð mistök.

-Auglýsing-

Eftir Örlyg Stein Sigurjónsson orsi@mbl

Morgunblaðið 14.10.2008

-Auglýsing-
-Auglýsing-
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.
Auglýsing
Auglýsing

TENGT EFNI

Þegar streitan tekur yfir: Kulnun og hættan á hjarta og æðasjúkdómum

Við lifum á tímum þar sem hraði og kröfur eru sífellt að aukast og álagið sífellt meira. Fólk vinnur lengri vinnudaga, upplifir meiri streitu...

7 merki um að þú sért hugsanlega að fá hjartaáfall

Einkenni hjartaáfalls eru ekki alltaf eins hjá körlum og konum. „Það sem við höldum að séu dæmigerð einkenni hjartaáfalls -eins og fíll sitji á...

Hjartastopp ekki alltaf fyrirvaralaus

Hjartastopp eru ekki alltaf jafn fyrirvaralaus og skyndileg eins og margir halda og útlit er fyrir að meira en helmingur þeirra sem fá hjartastopp...
Auglýsing
Auglýsing

Nýtt á Hjartalíf

Auglýsing
Auglýsing
Auglýsing
Auglýsing