fbpx
-Auglýsing-

Hugmyndin um LSH sem opinbert hlutafélag þarf ekki að vera best

Sú hugmynd að breyta Landspítalanum í opinbert hlutafélag þarf ekki endilega að vera sú besta en menn verða að skoða hlutina fordómalaust. Þetta sagði Geir H. Haarde forsætisráðherra í fyrirspurnartíma á Alþingi í dag.

Ögmundur Jónasson, þingflokksformaður Vinstri – grænna, benti á að komið hefði verið á fót tilsjónarnefnd með stjórnendum Landspítalans undir forystu Vilhjálms Egilssonar, framkvæmdastjóra Samtaka atvinnulífsins. Nefndin ætti meðal annars að leggja til nýja rekstrarstefnu.

Benti Ögmundur á að fram hefði komið á vefmiðlum RÚV og Morgunblaðsins um helgina að Vilhjálmur vildi skoða hvort gera ætti Landspítalann að opinberu hlutafélagi en nefndin hefði ekki tekið ákvörðun um neitt. Yrði það hins vegar gert myndi það auka sveigjanleika í rekstri sjúkrahússins. Spurði Ögmundur hvort það kæmi virkilega til greina hjá ríkisstjórnarflokkunum að Landspítalinn yrði gerður að hlutafélagi.

 Engin stefna mörkuð um breytt rekstrarform
Geir H. Haarde forsætisráðherra sagðist hafa heyrt hugmyndina um að Landspítalinn yrði opinbert hlutafélag hjá öðrum af forstjórum spítalans. Sagði hann í lagi að velt hugmyndum upp en engin stefna hefði verið mörkuð um breytt rekstrarform. Yrði slík breyting á dagskrá myndi Alþingi fjalla um hana. Benti forsætisráðherra á að tilsjónarnefnd spítalans hefði tillögurétt um þessi efni.

- Auglýsing-

Menn yrðu einnig að hafa í huga í hvaða tilgangi fyrirbærinu opinberu hlutafélagi hefði verið komið á og hvort það hæfði rekstri þar sem nánast allar tekjur kæmu úr ríkisjóði. Þetta þyrfti ekki endilega að vera besta hugmyndin.

Ögmundur benti á að hann hefði lesið úr tilvitnun frá formanni tilsjónarnefndarinnar. Vilhjálmur hefði verið formaður Verslunarráðs og nú framkvæmdastjóri Samtaka atvinnulífsins en bæði samtök hefðu haft einkavæðingu almannaþjónustunnar á sinni dagskrá. Spurði Ögmundur hver stefna Samfylkingarinnar væri í málinu og sakaði forsætisráðherra um að neita að svara því afdráttarlaust hvort til greina kæmi að hlutafélagavæða LSH.

Forsætisráðherra sagði þingmanninum svella móð og sakaði Ögmund um að vilja svipta Vilhjálm Egilsson málfrelsinu. Hvatti hann menn til að ganga fordómalaust til verka.

www.visir.is 21.04.2008

- Auglýsing -

 

Auglýsing
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-