-Auglýsing-

Hjartamiðstöð Íslands hefur verið kynnt í ráðuneytinu

„Við höfum kynnt áhuga okkar á því að bjóða upp á hjartaþræðingar á fundi með fulltrúa heilbrigðisráðuneytisins,“ segir Axel F. Sigurðsson forstöðumaður Hjartamiðstöðvar Íslands. „Þessu var bara ágætlega tekið, enda er hugmyndafræðin á bak við þetta og faglegu rökin mjög sterk. Ég vona að ráðuneytið sjái þetta sem eina mögulega leið til þess að bæta þessa þjónustu.“

Langt komið
Axel segir að undirbúningi miði mjög vel. „Við gætum hugsanlega hafið starfsemi eftir sex til átta vikur, ef öll tilskilin leyfi liggja þá fyrir,“ segir hann. „Það á eftir að ganga frá samningum við Landspítalann og við höfum ekki hafið þá vinnu enn þá og svo þurfum við auðvitað að fá mjög skýra handleiðslu frá ráðuneytinu um það hvernig á að haga þessu.“ Hann segir að Hjartamiðstöðin muni hafa frumkvæði að viðræðum við Landspítalann mjög fljótlega. „Menn vita af þessu en það á eftir að taka formlega umræðu með stjórnendum og heyra þeirra hugmyndir,“ segir hann og tekur fram að gott samstarf við spítalann sé algjört lykilatriði fyrir framgöngu málsins. „Ég held að það geti verið spítalanum í hag að hjartaþræðingar verði einnig gerðar utan hans og það opni möguleika á ýmiss konar samstarf
í framtíðinni.“

Tengd Heilsuverndarstöðinni
Hjartamiðstöð Íslands ehf. hóf starfsemi sína hinn 3. júlí síðastliðinn og sinnir „greiningu, eftirliti og meðferð hjartasjúkdóma og helstu áhættuþátta þeirra“ samkvæmt heimasíðu hennar. Hún er til húsa í Heilsuverndarstöðinni við Barónsstíg. Stjórn félagsins skipa, auk Axels, þeir Hörður Hilmarsson framkvæmdastjóri Heilsuverndarstöðvarinnar ehf. og Gestur Pétursson stjórnarformaður Heilsuverndarstöðvarinnar ehf.

elias@24stundir.is

24 Stundir 10.07.2008

-Auglýsing-
-Auglýsing-
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-