-Auglýsing-

Eins og þingflokkur VG sé ekki í jafnvægi

ÞETTA virkar eins og þingflokkurinn sé ekki í miklu jafnvægi,“ segir Guðlaugur Þór Þórðarson heilbrigðisráðherra um ályktun þingflokks Vinstri-grænna um stöðu heilbrigðiskerfisins.

Hann segir virtar erlendar stofnanir á borð við OECD hafa tekið út fjárframlög til heilbrigðismála hérlendis og segja þær fjárframlög til málaflokksins með því allra hæsta sem gerist og lögðu til að fundnar yrðu leiðir til þess að nýta enn betur þá fjármuni sem lagðir eru í þetta á næstu árum og áratugum.

„Í þessum málaflokki er eftirspurnin allt að því endalaus,“ segir Guðlaugur og hvað ummæli um að hann sinni ekki sínum þinglegu skyldum varðar, þar sem vísað er í eina utandagskrárumræðu, segir hann: „Þess ber að geta að á síðustu tveimur þingdögum svaraði ég fjórtán fyrirspurnum og lagði fram tvö lagafrumvörp, þar af mitt stærsta frumvarp til þessa, frumvarp til lyfjalaga.

Formaður þingflokks Vinstri-grænna, Ögmundur Jónasson, tók þetta ekki upp á þeim vettvangi sem þingstörf eru skipulögð, þ.e. fundi formanna þingflokka og forseta, en lagði þar áherslu á aðrar utandagskrárumræður, sem beindust að öðrum ráðherra þannig að áhuginn var nú ekki meiri en svo. Hins vegar sveif hann á mig í fyrirspurnum þegar við vorum m.a. að ræða um mál sem hann ásakar mig um að vilja ekki ræða og fór fram á það við mig að daginn eftir myndi ég taka utandagskrárumræðu um utandagskrárumræðu hans og ég benti honum á hið augljósa. Að það væri mjög örðugt fyrir mig sökum þess að ég væri með tvö frumvörp þann dag og annað þeirra er frumvarp til lyfjalaga, stærsta mál sem ég hef flutt.“

Spurður um uppsögn Magnúsar Péturssonar, forstjóra Landspítala, segir Guðlaugur að samkomulag hafi náðst um hana en Magnús vildi sjálfur í samtali við Morgunblaðið ekkert tjá sig um málið.

Morgunblaðið 17.03.2008

-Auglýsing-
-Auglýsing-
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-