Við erum mörg sem hunsum smávegis einkenni frá hjarta og segjum: „þetta er líklega ekkert.“ En þegar kemur að hjartanu er betra að vera of varkár en hitt.
Hjartasjúkdómar eru enn algengasta dánarorsök á Vesturlöndum og tímanleg greining getur bjargað lífi. Hér eru fimm merki sem þú ættir aldrei að hunsa – og sem krefjast þess að þú leitar tafarlaust til hjartalæknis eða bráðamóttöku.
1. Brjóstverkir eða þrýstingur í brjósti
Verkur, þyngsli eða þrýstingstilfinning í brjósti – sérstaklega ef hann kemur við áreynslu eða stress. Þetta er rautt flagg. Þetta getur verið angina eða jafnvel hjartaáfall.
2. Mæði við litla áreynslu
Ef þú verður fljótt móður við að ganga upp stiga eða framkvæma daglegar athafnir sem áður voru léttar, getur það bent til hjartabilunar eða þrengsla í kransæðum.
3. Svimi eða yfirlið
Að missa meðvitund eða verða fyrir skyndilegum svima getur stafað af hjartsláttartruflunum eða blóðþrýstingsfalli. Slík einkenni krefjast alltaf nánari skoðunar.
4. Óútskýrður bjúgur
Bólga í fótum, ökklum eða jafnvel kvið getur verið merki um að hjartað nái ekki að dæla blóðinu nægilega vel. Þetta er algengt hjá fólki með hjartabilun. Ungt fólk getur líka fengið bráða hjartabilun.
5. Hjartsláttaróregla
Sterk, hraðari eða óregluleg hjartsláttartilfinning, sérstaklega ef hún kemur með svima, mæði eða brjóstverk er ástæða til tafarlausrar læknisheimsóknar.
Að lokum
Hjartað gefur okkur oft viðvörun áður en stórt áfall á sér stað. Ekki hunsa þessi merki því það getur skipt sköpum fyrir heilsu þína og líf. Ef þú finnur fyrir einhverjum þessara einkenna skaltu leita aðstoðar strax. Það er betra að fara einu sinni of oft en einu sinni of seint.
Heimildir
American Heart Association – Warning Signs of Heart Disease
Mayo Clinic – Heart disease symptoms
European Society of Cardiology – Heart Failure Symptoms
