Mann setur hljóðan

1120

hjartablodrur.jpgÉg hef verið að velta fyrir mér þeirri stöðu sem er uppi varðandi málefni hjartans á Íslandi og gluggað í gögn og tölur sem eru nánast ótrúlegar. Flestar þessar upplýsingar hef ég fundið í þeim fréttum og greinum sem eru hér á hjarta.net.

Stefna stjórnvalda á Íslandi 2008

Stefna stjórnavalda í samræmi við evrópsku áætlunina um heilbrigði hjartans sem undirrituð var síðastliðið sumar.

„Hvert mannsbarn sem fætt er á nýju árþúsundi hefur rétt til þess að lifa til að minnsta kosti 65 ára aldurs án þess að fá hjarta- og æðasjúkdóm sem hægt er að koma í veg fyrir“

Raunveruleg staða hjartamála

  • Hjarta- og æðasjúkdómar eru langalgengasta dánarorsök á Íslandi.
  • Árlega deyja 1800 Íslendingar þar af 700 manns úr hjarta og æðasjúkdómum eða 40%
  • Árið 2005 dóu 150 konur úr hjartasjúkdómum.
  • Sama ár dóu 56 konur úr lungnakrabbameini en 31 úr brjóstakrabbameini.
  • Það deyja fimmfalt fleiri konur úr kransæðasjúkdómum en brjóstakrabbameini.
  • Á árinu 2005 dóu um 200 karlar úr kransæðasjúkdómum.
  • Sama ár dóu 70 karlar úr lungnakrabbameini og 55 karlar létust úr blöðruhálskirtilskrabbameini.
  • Það deyja fleiri Íslendingar úr hjarta og æðasjúkdómum en öllum krabbameinunum samanlagt.
  • Biðlistar eftir hjartaþræðingu eru átta mánuðir og lengist sá listi stöðugt.
  • Tækjakaup hjartadeildar Landspítala eru háðar gjafafé.
  • Tæki sem nú eru í notkun við hjartaþræðingar notast við myndgreiningartækni síðustu aldar.
  • Gangainnlagnir á hjartadeild eru regla frekar en undantekning.
  • Heilbrigðisyfirvöld hafa enga hjartalækna á samningi við Tryggingastofnun.
  • Hjartasjúklingar eru háðir rándýru og ósveigjanlegu tilvísanakerfi sem engir aðrir sjúklingar eru háðir.
  • Það er engin prófessorsstaða við Háskóla Íslands í hjartalækningum þó svo að hjartasjúkdómar séu aðaldánarorsök þjóðarinnar.

Er furða þó mann setji hljóðan.

Björn

DEILA
Fyrri greinHrjótandi maki er hættulegur
Næsta greinMeð einkenni vægs hjartaáfalls
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.