David Sommeil fyrrverandi varnarmaður Manchester City tilkynnti í gær að hann hafi lagt skóna á hillluna og muni því aldrei leika knattspyrnu að nýju. Þetta gerir hann eftir að hafa fengið hjartaáfall á æfingu með liði sínu, Valenciennes í Frakklandi.
,,David mun aldrei spila fótbolta aftur, nema á ströndinni eða með börnunum sínum,” sagði Marc Chasselat læknir liðsins.
,,Til að spila, þarf hann að finna lækni sem gefur honum leyfi til þess en enginn mun vilja taka þá áhættu.”
Sommeil er 34 ára gamall. Hann hefur einnig leikið með Rennes og Brodeaux í heimalandi sínu, Frakklandi.
Hann fékk hjartaáfall á æfingu í ágúst og var á gjörgæslu til 10. september. Jose Saes liðsfélagi hans sagði að Sommeil yrði alltaf í huga leikmannana.
,,Við munum sakna hans,” sagði Saez og bætti við að enginn hefði tekið stæði leikmannsins í búningsklefanum. ,,Hlutirnir hans, myndirnar hans, David er alltaf í búningklefanum, meira að segja meðan hann var á sjúkrahúsinu.”
