Kaffidrykkja, kynlíf og það að snýta sér getur aukið hættuna á heilablóðfalli samkvæmt niðurstöðum hollenskra lækna við Háskólann í Utrecht. Allt veldur þetta hærri blóðþrýstingi sem gæti sprengt æðar.
Náði rannsóknin til 250 sjúklinga yfir þriggja ára tímabil og fundust átta áhættuþættir sem voru tengdir við heilablæðingar. Voru þessar þrír á meðal þeirra. Heilablæðing getur átt sér stað þegar skemmd æð í heila springur. Afleiðingin getur verið heilaskaði eða dauði.
Komust læknarnir að því að kaffi væri sökudólgurinn í einu af hverjum tíu tilfellum þegar æð í heila springur. Var kaffi algengasti áhættuþátturinn. Breska ríkisútvarpið BBC segir frá þessu á vefsíðu sinni.
„Allir orsakavaldarnir ollu skyndilegu skammvinnri hækkun á blóðþrýstingi en það virðist möguleg sameiginleg ástæða fyrir að æðar springa í heila,“ segir Dr. Monique Vlak, taugasérfræðingur og aðalhöfundur rannsóknarinnar.
www.mbl.is 06.05.2011
