Leikarinn Kelsey Grammer hefur verið fluttur á sjúkrahús í New York vegna veikinda sem tengjast hjartaáfalli sem hann fékk í síðasta mánuði. Að sögn fjölmiðlafulltrúa er Grammer ekki sagður í lífshættu, aðeins sé um varúðunarráðstöfun að ræða.
Grammer greindi frá því í síðustu viku að hjartað hans hefði alveg hætt að slá þegar hann fékk hjartaáfall á Hawaii í júní. Hann hafi verið nær dauða en lífi. Leikarinn, sem er 53ja ára, er þekktastur fyrir hlutverk sitt sem sálfræðingurinn Frasier Crane sem hann lék í 20 ár í sjónvarpi, fyrst í sjónvarpsþáttunum Staupasteini og síðar í sínum eigin þáttum. Fjölmiðlafulltrúi Grammers segir að leikarinn sé máttfarinn og líklegt sé talið að lyfjaaukaverkanir að ræða. Hann varð veikur þegar hann var í New York að kynna kvikmyndina Swing Vote sem hann leikur í. Hann átti að mæta í þáttinn Live With Regis And Kelly í morgun, en það blásið af sökum veikindanna.
www.mbl.is 29.07.2008
-Auglýsing-
