Styrktarfélagið okkar hér á hjartalif.is er Hjartanet og er það skráð góðgerðarfélag í Reykjavíkurmaraþoni Íslandsbanka.
Það er ein fjölskylda austan af héraði sem er uppistaðan í þeim sem ætlar að hlaupa fyrir okkur.
Sverrir föðurbróðir minn, kona hans og tvö börn, Sverrir segir um þattöku sína. í hlaupinu : “Ég hleyp til styrktar þeim sem glíma við afleiðingar hjartaáfalla og vilja koma á framfæri fræðslu og forvörnum til okkar hinna, því enginn veit hver verður næstur. Síðast en ekki síst hleyp ég til minningar um föður minn sem lést af völdum hjartaáfalls á þrítugasta og öðrum afmælisdegi mínum.” hægt er að heita á Sverri með því að fylgja þessari slóð.
Hugmyndin hjá okkur er sú að það fé sem safnast með þessum hætti verði nýtt til að að gera tæknilegar endurbætur á hjartalif.is til að gera síðuna enn betri og notendavænni. Þetta eru nokkuð kostnaðarsamar breytingar þannig að ykkar stuðningur kæmi sér afar vel og myndi skipta okkur miklu máli.
Áheitasöfnun maraþonsins 2013 fer fram á vefnum hlaupastyrkur.is.
Það er einfalt fyrir hlaupara að stofna aðgang á hlaupastyrkur.is og safna áheitum. Byrja þarf á því að skrá sig í hlaupið á marathon.is.
Í skráningarferlinu er hægt að velja Hjartanet sem eitt af skráðum góðgerðafélögum og stofnast þá viðkomandi sjálfkrafa á hlaupastyrkur.is að skráningu lokinni. Einnig geta skráðir hlauparar farið inn á hlaupastyrkur.is og stofnað aðgang í örfáum einföldum skrefum.
Hægt er að deila söfnunarsíðu hlaupara á samfélagsmiðlum og hvetja þannig vini og vandamenn til að heita á sig.
Eins og áður sagði er Hjartanet styrktarfélagið okkar hér á hjartalif.is.
Hér er tengill inn inn á hjartanet á hlaupastyrkur.is fyrir þá sem hafa hug á því að styrkja okkur eða hlaupa fyrir okkur.
