Kelsey Grammer, sem er hvað frægastur er hlutverk sitt sem útvarpsgeðlæknirinn Frasier, hefur stigið fram og útskýrt hvað varð til þess að hann fékk hjartaáfall í maí síðastliðnum
Hinn 53 ára leikari var fluttur í skyndi á sjúkrahús á Havaí þar sem hann býr, eftir að hafa fengið hjartaáfall við brettaróður. Brettaróður (e. Paddleboarding) er vatnasport sem á rætur sínar að rekja til Havaí þar sem iðkendur standa á litlu bretti og róa áfram með róðrarspaða.
Og Grammer er með það á hreinu að ástæða hjartaáfallsins sé sú að framleiðslu á sjónvarpsþáttum hans, Back To You, var hætt fyrr í sama mánuði.
„Þetta var mikill álagstími fyrir mig, og það kom mér mjög á óvart að klippt hefði verið á framleiðslu þáttanna,“ sagði Grammer við fjölmiðla, en hann er þessa dagana að kynna nýjustu kvikmynd sína Swing Vote.
„En allt sem ekki drepur okkur, sem það gerði þó næstum því, styrkir okkur.“ sagði Grammer.
www.dv.is 25.07.2008
