Hávaðamengun í borgum getur valdið hjarta- og æðasjúkdómum, eyrnasuði, svefntruflunum, greindarskerðingu og lakari námsárangri barna.
Kom þetta fram á ráðstefnunni Noise in the City sem haldin var nýlega í Amsterdam í Hollandi. Voru þar birtar bráðabirgðaniðurstöður Alþjóðaheilsustofnunarinnar (WHO) um áhrif hávaðamengunar í borgum á heilsufar fólks. Eru þar nefndir margvíslegir orsakaþættir ónæðis, eins og bílaumferð, flugvélaumferð, járnbrautir og byggingaframkvæmdir. Þá voru einnig kynntar aðferðir til að draga úr hávaða með umferðarstýringu, hljóðbæru malbiki, einangrun bygginga, hljóðtálmum og betra umferðarskipulagi.
-Auglýsing-
-ovd
www.visir.is 26.04.2008
-Auglýsing-
