Læknar báðu Paul McCartney að hætta að drekka

Læknar sögðu Paul McCartney fyrir tveimur árum að hann þurfi að hætta endanlega að drekka vildi hann að hjartað dygði honum. Bítillinn, sem er 65 ára sem fór nýlega í aðgerð til að hreinsa út úr kransæðunum, lét leiðbeiningarnar hinsvegar sem vind um eyru þjóta, konu hans þáverandi til mikils ama.

„Þetta er ekki endilega lífshættulegt ástand, hann þarf bara að fara betur með sig. Þetta olli miklum vandræðum í sambandi hans og Heather Mills”, hafði New York Post eftir heimildamanni sínum. ,,Hann fékk regluleg rafstuð um tveggja ára skeið til að hjálpa til með hjartað og var ráðlagt að hætta alveg að drekka, sem hann gerði ekki.”

www.visir.is 08.01.2008