-Auglýsing-

Óvissa um framtíð forstjóra Landspítala

Algjör óvissa ríkir um áframhaldandi veru Huldu Gunnlaugsdóttur, forstjóra Landspítalans, í starfi. Bæði hafa ytri aðstæður breyst verulega síðustu mánuði en persónulegar ástæður spila einnig inn í málið.

Samkvæmt heimildum Pressunnar fór Hulda fyrr í sumarfrí en áætlað hafði verið vegna persónulegra ástæðna en vaxandi áhyggjur eru meðal starfsfólks sjúkrahússins um að breyttar ytri aðstæður geri það jafnframt að verkum að Hulda muni jafnvel ekki snúa aftur til starfans.

Fyrst ber að geta áætlana stjórnvalda um launalækkun forstjóra fyrirtækja og stofnana í eigu ríkisins en við þá aðgerð lækka laun forstjóra Landspítala verulega. Þá liggur fyrir að bygging nýs hátæknisjúkrahús er í fullkominni óvissu um fyrirsjáanlega framtíð vegna efnahagsástandsins og niðurskurðarhugmyndir í heilbrigðisgeiranum eru væntanlegar.

Þá skal síðast en ekki síst nefna þann mikla atgervisflótta sem óttast er að verði í lækna- og hjúkrunarfræðistéttum þar sem íslensku heilbrigðisstarfsfólki bjóðast nú mun betri laun og launakjör á erlendum vettvangi en hér heima.

Málið hefur verið rætt í hópi æðstu stjórnenda Landspítalans en samkvæmt heimildum Pressunnar hefur Hulda ekki tekið endanlega ákvörðun um framtíð sína innan veggja sjúkrahússins.

Hulda var ráðinn forstjóri Landspítala á síðasta ári og tók til starfa 1. september og var ráðning hennar til fimm ára.

- Auglýsing-

www.pressan.is 27.07.2009

-Auglýsing-
-Auglýsing-
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-