fbpx
-Auglýsing-

Læknar úr neyðarbílum og inn á bráðadeild

Læknar á vegum Landspítalans munu hætta að ganga vaktir á neyðarbílum Slökkviliðs höfuðborgarsvæðisins (SHS) frá og með 15. janúar næstkomandi.

Þetta kemur fram í sameiginlegri tilkynningu frá slökkviliðinu og bráðasviði Landspítalans. Þar segir enn fremur að þetta sé hægt vegna þess að háskólamenntunuðm bráðatæknum hjá slökkviliðinu hafi fjölgað mikið að undanförnu. Kröftum lækna í framhaldsnámi á slysa- og bráðasviði Landspítalans verði því beint að því að efla bráðaþjónustuna innan spítalans enn frekar. Í tengslum við breytinguna munu Landspítali og slökkvilið leitast við að styrkja samstarf sitt enn frekar til að tryggja gæði bráðaþjónustunnar á vettvangi slysa og bráðra veikinda.

Í tilkynningunni segir enn fremur að breytingarnar séu gerðar með vitneskju og eftir atvikum samráði þeirra sem best þekkja til bráðaþjónustu innan og utan stofnana, landlækni, Sjúkraflutningaskólans, SHS og sérfræðinga spítalans. Tugir þúsunda leiti árlega til bráðamóttökunnar og er von slysa- og bráðasviðs Landspítala sú að með þessu móti verði unnt að koma betur til móts við þarfir þeirra.

Áhersla á samskipti bráðatækna og lækna á sjúkrahúsi

- Auglýsing-

„Störf lækna sem koma á slysa- og bráðasviðið til framhaldsnáms og þjálfunar eru bráðaþjónustunni innan Landspítala afar mikilvæg. Fjarvera þeirra vegna reglulegra vakta á sjúkrabílum hefur óneitanlega valdið auknu álagi á annað starfsfólk í bráðaþjónustu spítalans en þeim fjölgar sífellt sem þurfa á þjónustunni að halda,” segir enn fremur í tilkynningu Landspítalans og SHS.

Bent er á að bráðtæknar slökkviliðsins séu menntaðir í Bandaríkjunum þar sem hefð er fyrir því að bráðatæknar annist bráðaþjónustu utan stofnana. Mikil áhersla sé hins vegar lögð á samskipti þeirra og sérfræðinga á slysadeild á meðan verið er að koma sjúklingi undir læknishendur og hyggjast Landspítali og SHS styrkja þann þátt í samstarfi sínu.

- Auglýsing -

Enn fremur verður samstarf þessara aðila um gæðaeftirlit og símenntun sjúkraflutningamanna eflt enn frekar. Þátttaka í störfum á vettvangi við hlið sjúkraflutningamanna verður eftir sem áður hluti af þjálfun lækna í framhaldsnámi í bráðalækningum.

www.visir.is 12.12.2007

Auglýsing
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-