fbpx
-Auglýsing-

Guðný missti eiginmanninn og aleiguna

Guðný Anna Tórshamar í Vestmannaeyjum missti eiginmann sinn Jóhannes Esra Ingólfsson skyndilega þegar hann fékk hjartaáfall í júlí 2009. Skömmu eftir andlátið dundi annað áfall á ekkjunni, þegar ljóst varð að líftryggingin yrði aldrei greidd út. Guðný Anna missti því ekki aðeins eiginmanninn heldur einnig húsið, íbúðina og bílinn og stefnir nú á götuna.

Jóhannes Esra lést skyndilega af hjartaáfalli. Ári áður hafði hann skipt um tryggingarfélag, fært sig frá Vísi yfir í Vörð, þar sem hann taldi sig fá betri kjör. Tryggingarmál voru honum alltaf hugleikin og hann lagði mikla áherslu á að þau væru í lagi. Ef eitthvað kæmi fyrir vildi hann vera vel tryggður og sjá til þess að hvorki eiginkona hans né dóttir þeirra þyrfti að hafa fjárhagsáhyggjur ef hann félli frá. Frá því að Guðný Anna kynntist honum fyrst árið 1985 brýndi hann það alltaf fyrir öllum að passa vel upp á tryggingarnar.

Það kom henni því verulega á óvart þegar hún fékk þær fregnir að líftryggingin dekkaði ekki hjartaáfall. „Hann hefði ekki skipt um tryggingarfélag ef hann hefði vitað að þetta væri ekki alveg pottþétt. Þeir Guðjón [Hjörleifsson, fulltrúi Varðar í Vestmannaeyjum] voru vinir en ég veit ekki hvort það hafði einhver áhrif á ákvörðun hans. Vörður bauð upp á ódýrari tryggingar. Þetta er bara eitthvert klúður og ég veit eiginlega ekki hvernig ég á að segja frá þessu,“ segir hún og dæsir.

„Hann var líftryggður hjá VÍS í áraraðir og þegar hann skipti kom hann heim og sagðist vera kominn með líftryggingu sem gilti líka á ferðalögum og hvaðeina. Ég spurði hann hvort hún myndi líka duga ef hann fengi hjartaáfall og hann var pottþéttur á því. Hann taldi sig vera vel tryggðan hjá Verði. Ég spurði hvort hann þyrfti ekki að fara í læknisskoðun því það er yfirleitt þannig þegar fólk skiptir um tryggingarfélag en hann sagðist ekki þurfa þess. Ég veit ekki hvort hann fékk rangar upplýsingar eða hvað gerðist eiginlega þarna niður frá.“

- Auglýsing-

www.dv.is 30.04.2010

Auglýsing
Björn Ófeigsson
Björn Ófeigsson
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-