Einn færasti barnahjartalæknir heims framkvæmdi hjartaþræðingu á 7 íslenskum börnum hér á landi í sjálfboðavinnu í síðustu viku. Aðgerðirnar var ekki hægt að gera hér heima án hans aðstoðar.
1% barna hér á landi fæðist með hjartagalla af einhverju tagi. Það eru 40 börn á ári. Sum þessara barna þurfa á mjög sérhæfðum aðgerðum að halda, til dæmis víkkunum á lungnaslagæðum.
Stanton er hér á landi í sjálfboðavinnu. Hann lauk grunnnámi í læknisfræði við Háskóla Íslands áður en að hann sérhæfði sig í barnahjartalækningum í heimalandi sínu, Bandaríkjunum.
Hann hefur framkvæmt hjartaþræðingu á þúsundum barna.
Börnin sem fengu hjartaþræðingu í síðustu viku voru á aldrinum 2-18 ára. Þau hafa öll farið í hjartaaðgerðir erlendis, sum mörgum sinnum.
www.ruv.is 08.07.2007
