-Auglýsing-

15 daga bið eftir aðgerð

Það er óbærilegt að þurfa að bíða dögum saman eftir að komast í hjartaaðgerð og eiga á hættu á að fá hjartaáfall hvenær sem er, segir maður sem hefur beðið í fimmtán daga eftir að komast í aðgerð. Yfirlæknir segir ófremdarástand ríkja í málefnum hjartveikra.

Guðmundur R. J Guðmundsson fór í hjartaþræðingu þann 26.nóvember þar sem í ljós kom að hann þurfti á frekari aðgerð að halda.Vegna anna á gjörgæsludeild var ekki hægt að gera aðgerðina strax. Hjartalæknir taldi hins vegar ekki ráðlegt að senda Guðmund  heim af spítalanum vegna þess að hætta væri á að hann fengi hjartaáfall og var hann lagður inn á heilbrigðisstofnun Suðurnesja. Guðmundur hefur nú beðið í 15 daga og segir biðina óbærilega. Guðmundur fer í aðgerðina á fimmtudaginn kemur en segir hóp manna í sömu stöðu og hann.

Guðmundur hefur sent heilbrigðisráðherra bréf vegna málsins. Þar biður hann um að gjörgæsludeild Landspítalans verði efld.  Ekki sé verið að nýta fjármuni rétt með því að láta sjúklinga bíða á sjúkrastofnunum. Yfirlæknir á heilbrigðisstofnun Suðurnesja tekur undir þetta.

ruv.is
11.12.2007
Sjá sjónvarpsfrétt 

-Auglýsing-
-Auglýsing-

Tengt efni

-Auglýsing-
-Auglýsing-
-Auglýsing-
Auglýsing
-Auglýsing-
-Auglýsing-
-Auglýsing-
-Auglýsing-
-Auglýsing-