Landspítalinn fær fé til tækjakaupa

Í breytingatillögu við fjáraukalög 2012 er gert ráð fyrir 150 milljónum króna aukalega til tækjakaupa á Landspítalanum. Þá upplýsti Álfheiður Ingadóttir, þingmaður Vinstri grænna, um það á Alþingi í dag að gerð verði tillaga um 600 milljónir króna til tækjakaupa fyrir 1099993 medical monitoringLandspítalann á næsta ári.

Álfheiður sagði að þetta væri ljós í myrkri fyrir spítalann en þar ríki þessi dægrin ófremdarástand. Það sé ekki lengur undantekning að sjúklingar liggi á göngum og þeir dvelja lengur en áður. Hún sagðist treysta því að slökkvilið og vinnueftirlit loki ekki deildum vegna þessa, en sagði að sjúkrahúsið ætti að opna aðrar deildir fyrir sjúklinga að liggja á.

Þá sagði Álfheiður að Alþingi þurfi að huga að sínum málum þegar kemur að nýjum spítala enda sé gert ráð fyrir um sjö milljörðum í tækjakaup fyrir hann. „Við þurfum nýjan spítala,“ sagði Álfheiður.

Jafnframt kom fram í máli Álfheiðar að Sjúkrahús Akureyrar fái samkvæmt breytingatillögunni 50 milljónir króna til tækjakaupa og gerð verði tillaga um 70 milljónir á næsta ári.

www.mbl.is 07.11.2012

DEILA
Fyrri greinMikilvægi lífsstíls
Næsta greinLífsnauðsynlegar fyrir líkamann
Björn er ritstjóri og ábyrgðarmaður hjartalif.is með brennandi áhuga á hjartans málefnum auk þess að vera sjálfur hjartabilaður og með gangráð/bjargráð.