Berjaát og hjartaheilsa kvenna

Berjagirningur. Mynd/Þórður Kristinn SigurðssonMeðal annarra innihalda jarðaber, bláber, eggaldin, lárperur anthocyanin sem virðist hafa góð áhrif á hjartaheilsu kvenna samkvæmt því sem rannsóknir segja.  

Þetta á þó ekki síst við konur en það segir frá því á mataraedi.is.

Þar segir frá því að vísindamenn við Harvard háskólann í Boston birtu í janúar síðastliðnum niðurstöður rannsóknar þar sem þeir fylgdu eftir 93.600 konunum á aldrinum 25-42 ára í 18 ár.

Konurnar svöruðu spurningalista um mataræði á 4 ára fresti. Alls fengu 405 þessara kvenna hjartaáfall (kransæðastíflu) á tímabilinu. Tíðni þessara áfalla var 32 prósent lægri meðal kvenna sem borðuðu mikið af efnum sem kallast anthocyanin. Þessi efni er að finna í ríkulegu magni í bláberjum og jarðarberjum. Anthocyanin má einnig finna í eggaldin, greip, lárperum, mangó, ólífum, rauðlauk og sætum kartöflu .

Talið er að anthocyanin geti víkkað út slagæðar og dregið úr þrengslamyndun í æðum. Eldri rannsóknir hafa sýnt að neysla bláberja getur dregið úr líkum á háum blóðþrýstingi.

Að því er fram kemur hjá Axel á mataæði.is sýnir Þessi rannsókn, eins og fjölmargar aðrar tengsl á milli mataræðis og sjúkdóma, en sannar ekki að orsakasamband sé til staðar. Hugsanlegt er að konurnar sem borðuðu mikið af berjum hafi hreinlega haft almennt heilbrigðari lífsstíl en hinar.

Auglýsing

Vísindamennirnir benda þó á að fæða sem inniheldur anthocyanin sé líklega mikilvægur þáttur í hollu mataræði, sem helst eigi að innihalda mikið magn af ávöxtum, grænmeti og heilkorni.

Það væri fróðlegt að vita hver útkoman væri ef sambærileg rannsókn yrði gerð á körlum en hvað sem því líður eru berin frábær viðbót við matarflóru okkar hér á Íslandi með slettu af rjóma og algjörlega ómissandi í boozt.