KYNNING. Benecta hefur um árabil verið eitt af vinsælustu fæðubótarefnum á Íslandi. Vörurnar eru framleiddar af siglfirska líftæknifyrirtækni Genís sem stofnað var árið 2005 og sérhæfir sig í vöruþróun og framleiðslu á kítínafurðum með því að umbreyta kítíni í hágæðavörur sem auka lífsgæði fólks.
Þannig hefur Genís unnið með sameindir (kítófásykrur) sem stuðla að bólguhjöðnun, en bólgumyndun er m.a. náttúrulegur fylgifiskur öldrunar og líkamlegrar áreynslu. Virkni bólguhamlandi sameinda Genís snýr að því að tempra áhrif bólgupróteina og stuðla þannig að náttúrulegri bólguúrvinnslu. Þetta er sérlega mikilvægt atriði þegar kemur að hjarta og æðasjúkdómum þar sem langvarandi bólgur eru áhættuþáttur.
Árið 2016 setti Genís á markað fæðubótarefnið Benecta sem hefur frá upphafi notið mikilla vinsælda. Bæði á meðal íþróttafólks sem sækist eftir hraðari og skilvirkari endurheimt í kjölfar æfinga og keppni sem og eldra fólks sem sækist eftir að lifa heilbrigðum og virkum lífsstíl. Þannig hafa t.d. Íslandsmeistarar Breiðabliks í knattspyrnu tekið Benecta um tveggja ára skeið með frábærum árangri til að hámarka árangur við æfingar og keppni.
Benecta inniheldur kítófásykrur ásamt vítamínum og steinefnum sem styðja við eðlileg efnaskipti, auka orku og draga úr þreytu. Benecta er annars vegar framleitt í hylkjum/töflum og hins vegar í freyðitöflum og eru vörurnar afrakstur tæplega tveggja áratuga rannsóknar- og þróunarvinnu á kítófásykrum.
Fjölmargir hafa vitnað um „Benecta-áhrifin“, orðasamband sem er lýsandi fyrir þann fjölbreytta ávinning sem notkun Benecta getur haft í för með sér. Fjallgöngufólk, skíðaiðkendur, golfarar, veiðimenn, iðnaðarmenn, garðyrkjufólk, knattspyrnuiðkendur og venjulegt fólk sem nýtur þess að ganga og hreyfa sig sér til heilsubótar eru allt dæmi um fólk sem hefur fundið mikinn mun á líðan fyrir og eftir notkun Benecta.
Öll framleiðsluferli Benecta eru hönnuð til að tryggja hámarksgæði vörunnar og eru byggð á GMP-stöðlum. Stefna Genís við framleiðsluna sem fer fram á Siglufirði er að skila auknum verðmætum til samfélagsins með minni aðföngum og sjálfbærri nýtingu auðlinda og lágmarksáhrifum á umhverfið.
Benecta er á Cologne List og hefur því staðist óháðar gæðaprófanir. Þær eru framkvæmdar af rannsóknarstofu sem er leiðandi á heimsvísu í næringarfræðilegum viðbótargreiningum gegn ólöglegum árangurseflandi efnum.
Hugmyndafræðin að baki Benecta er meðal annars sú að lífsgæði þurfi ekki að ráðast af aldri fólks og vill fyrirtækið leggja sitt af mörkum til að auka þau til lengri tíma. Þannig getur inntaka á Benecta stuðlað að því að þú getir lifað heilbrigðum og virkum lífsstíl lengur.
Pistillinn er unninn í samvinnu við Genís/Benecta
