Til áréttingar vegna þjónustuvið hjartasjúklinga á Landspítala.
Í kjölfar sameiningar bráðamóttaka Landspítala (LSH) verða eftirfarandi breytingar á þjónustu við hjartasjúklinga frá og með 9. apríl 2010:
• Hætt verður að taka á móti hjartasjúklingum tímabundið á Landspítala Hringbraut klukkan 16:00 þann 9. apríl. Neyðarþjónusta verður á bráðamóttöku í Fossvogi frá þeim tíma til þriðjudagsmorguns og um helgar eftir það.
• Ný hjartamiðstöð verður opnuð á Landspítala Hringbraut þriðjudaginn 13. apríl 2010, kl. 8:00. Hún verður staðsett á 10D og 10W.
Á hjartamiðstöð LSH verður bráðaþjónusta, ásamt dagdeildar- og göngudeildarþjónustu við hjartasjúklinga. Þar verður tekið á móti öllum ef grunur er um bráð hjartavandamál. Til þeirra teljast meðal annars brjóstverkir, mæði af líklegum hjartatoga, hjartsláttartruflanir, yfirlið af líklegum hjartatoga og hjartastopp.
Hjartamiðstöðin við Hringbraut verður frá 13. apríl opin allan sólarhringinn frá klukkan 08:00 á mánudagsmorgni til klukkan 20:00 á föstudagskvöldi. Allir með grun um bráð hjartavandamál fara hins vegar í Fossvog frá klukkan 14:00 á föstudögum en þar verður neyðarþjónusta við hjartasjúklinga um helgar.
