Matreiðslumeistarinn Úlfar Finnbjörnsson er hér með frábæra uppskrift í boði Holta kjúklings að fylltum úrbeinuðum kjúklingalærum með blönduðu grænmeti og kókoskarrísósu.
600-800 g úrbeinuð kjúklingalæri
400 g blandað grænmeti, skorið í strimla, t.d. paprika, gulrætur, nípur, baunir og spergill
1 tsk. engifer, smátt saxað
1-2 hvítlauksgeirar, smátt saxaðir
½ chili, steinlaust og smátt saxað
1 tsk. rifið sítrónugras, má sleppa
Salt og nýmalaður pipar
Safi og fínt rifinn börkur af einu lime
2 msk. olía
Smjörsprey
Rifinn parmesan-ostur
Hitið olíu á pönnu og steikið grænmetið í 1 mín. án þess að brenna. Bætið þá hvítlauk, engifer, chili, sítrónugrasi, salti og pipar og kraumið í 30 sek. Þá er lime-berki og safa bætt á pönnuna og hún tekin af hellunni og látin kólna. Bankið lærin létt með buffhamri og kryddið með salti og pipar. Skiptið grænmetinu og setjið á lærin. Vefjið lærunum utan um grænmetið og festið með tannstönglum. Setjið lærin í eldfast mót og spreyið með smjörspreyinu. Rífið parmesan-ost yfir og bakið í 15 mín. við 190°C eða þar til kjarnhiti sýnir 70°C.
Kókoskarrísósa
2 msk. olía
1-2 hvítlauksgeirar, smátt saxaðir
½ chili, smátt saxað
1 msk. engifer, smátt saxað
1 tsk. sítrónugras, fínt rifið, má sleppa
1-2 tsk. taílenskt karrímauk
3-4 dl kókosmjólk
1-2 dl rjómi eða mjólk
Sósujafnari
Safi og fínt rifinn börkur af 1 lime
2-3 msk. ferskt kóríander, gróft saxað
Hitið olíu í potti og kraumið hvítlauk, chili, engifer, sítrónugras og karrí í 1 mín. Bætið þá kókosmjólk og rjóma í pottinn og sjóðið í 2 mín. Þykkið sósuna með sósujafnara og bætið lime-safa, berki og kóríander í pottinn. Berið sósuna fram með lærunum og hrísgrjónum.
