Ný rannsókn hefur leitt í ljós að Egyptar til forna þjáðust af æðakölkun. Hingað til hefur sjúkdómurinn einkum verið tengdur við lesti síðari tíma eins og reykingar, ofát og hreyfingarskort.
Niðurstöður rannsóknarinnar voru birtar í gær í læknatímaritinu Lancet. Segir þar að æðakölkun í fornaldarmönnum sýni að sjúkdómurinn tengist venjulegri öldrun manna en sé ekki tengdur sérstaklega mataræði eða lífsstíl.
Rannsóknin bendi jafnframt til þess að ekkert sé hæft í því að með því að taka upp mataræði fyrri tíma sé hægt að forðast sjúkdóminn.
-Auglýsing-
Niðurstöðurnar þýði þó ekki að lífsstíll manna skipti engu máli þegar áhættuþættir sjúkdómsins eru vegnir og metnir.
Morgunblaðið 12.03.2013
-Auglýsing-
