Unglæknar á Slysa- og bráðadeild LSH hafa ákveðið að endurnýja ekki ráðningarsamninga sína. Ástæðan er, segir í tilkynningu frá félagi þeirra, skerðing á námstækifærum og óbærilegt vinnuálag vegna ákvörðunar um breytt fyrirkomulag á neyðarbíl höfuðborgarsvæðisins, en læknir er ekki lengur í bílnum.
Af 14 ungum læknum verða einungis þrír að störfum eftir 1.mars. Í tilkynningunni segir, að nú sé þeim gert að sinna sjúklingum innan bráðadeildarinnar ásamt því að hlaupa út í útköll utan spítalans.
Þessi breyting hafi orðið til þess að eftir einn til tvo mánuði verði ekki læknar til að sinna þessari þjónustu og því stefni í neyðarástand innan deildarinnar. Yfirstjórn Slysa- og bráðadeildar hafi ekki aðhafst neitt til að bregðast við þessu.
www.ruv.is 25.01.2008
