Þorbjörn Jónsson, formaður læknaráðs Landspítalans, segir að óánægju meðal lækna þar hafa verið í mörg ár. Fram hefur komið að 96 af 104 skurð- og svæfingarhjúkrunarfræðingum hafi sagt upp störfum vegna óánægju með nýtt vaktafyrirkomulag.
Vigdís Árnadóttir, trúnaðarmaður skurðhjúkrunarfræðinga sagði í Útvarpsfréttum um helgina að öryggi sjúklinga væri ógnað með nýja fyrirkomulaginu. Þorbjörn Jónsson segir að læknar á sjúkrahúsinu hafi verið óánægðir árum saman. Óánægjan hafi einkum beinst að því stjórnkerfi sem byggt hefur verið upp á spítalanum síðasta áratug eða svo.
Hópur lækna hafi leitað til umboðsmanns Alþingis vegna breytinganna og úrskurður hans hafi ekki á allan hátt verið hagkvæmur fyrir sjúkrahúsið. Þrátt fyrir óánægjuna hafi ekki verið mikið uppsagnir enda hafi margir læknar ekki annað að leita því vegna sérfræðimenntunar margra þeirra sé spítalinn eini vinnustaðurinn sem þeir eigi völ á.
Þorbjörn segir að þær sparnaðartillögur sem nýverið hafi komi fram hafi vakið meiri óánægju með starfsfólks sjúkrahússins en áður hafi verið. Óánægjunnar sé einkum vart meðal hjúkrunarfræðinga.
Ýtarleg úttekt á málefnum LSH í Baksýnisspegli Spegilsins.
www.ruv.is 17.03.2008
